კალორიმეტრული და სპექტროფოტომეტრული კვლევები Poly-Lysine ნანონაწილაკების პრეპარატ ფარნესალის თანაობისას

ავტორი: ლევან შველიძე
საკვანძო სიტყვები: ნანონაწილაკები, პოლილიზინი, ფასნესოლი
ანოტაცია:

ნანონაწილაკები ბოლო წლების განმავლობაში განსაკუთრებულ ყურადღებას იქცევს მათი უნიკალური ფიზიკური, ქიმიური და ბიოლოგიური თვისებების გამო, რომლებიც წარმოიქმნება მათი მცირე ზომისა და დიდი ზედაპირის ფართობისა და მოცულობის თანაფარდობით. ეს თვისებები ნანონაწილაკებს მნიშვნელოვან ელემენტებად ხდის მრავალ სფეროში, დაწყებული მედიცინიდან ელექტრონიკამდე. ეს სამაგისტრო ნაშრომი მიზნად ისახავს ნანონაწილაკების სინთეზის მეთოდების, თვისებებისა და გამოყენების სფეროების კომპლექსურ ანალიზს, განსაკუთრებით პოლილიზინისა და ფარნესოლის ნანონაწილაკების კვლევას. პოლილიზინი არის ბიოდეგრადირებადი პოლიმერი, რომელიც გამოირჩევა მაღალი ეფექტურობით ბიოლოგიურ სისტემებში, ხოლო ფარნესოლი წარმოადგენს ბიოლოგიურ აქტიურ ნაერთს, რომელიც ავლენს უნიკალურ თვისებებს სხვადასხვა ბიოლოგიურ სისტემებში. კვლევის ძირითადი მიზანია პოლილიზინისა და ფარნესოლის ნანონაწილაკების ფიზიკურ-ქიმიური თვისებების დეტალური ანალიზი კალორიმეტრული და სპექტროფოტომეტრული მეთოდების გამოყენებით. კალორიმეტრია საშუალებას იძლევა ნანონაწილაკების თერმული თვისებების შესწავლას, რაც მოიცავს ფაზურ გადასვლებსა და სტაბილურობას სხვადასხვა პირობებში. სპექტროფოტომეტრია კი გამოიყენება ნანონაწილაკების ოპტიკური თვისებების შესასწავლად, მათ შორის მათი აბსორბციისა და ემისიის სპექტრები. აღნიშნული მეთოდები იძლევა დეტალური ცოდნის მიღებას პოლილიზინისა და ფარნესოლის ურთიერთქმედებების შესახებ ნანომასშტაბზე. კვლევისთვის გამოყენებულია DASM-4A კალორიმეტრი და მაღალი მგრძნობელობის მქონე სპექტროფოტომეტრი, რაც შესაძლებელს ხდის ნანონაწილაკების ფაზური გადასვლებისა და სითბური თვისებების დეტალურ ანალიზს. კვლევის შედეგები აჩვენებს, რომ პოლილიზინისა და ფარნესოლის კომბინაცია იწვევს ნანონაწილაკების ფორმირებას, რომლებსაც აქვთ განსხვავებული თერმული და ოპტიკური თვისებები. აღნიშნული თვისებები დამოკიდებულია ფარნესოლის კონცენტრაციაზე, ტემპერატურაზე და ხსნარის pH-ზე. დასკვნები მიუთითებს ამ ნანონაწილაკების გამოყენების პოტენციალზე ახალი დიაგნოსტიკური და თერაპიული მეთოდების შემუშავებისთვის, მათი უნიკალური თვისებების გამოყენებით სამიზნე მედიკამენტების მიწოდებისა და თანამედროვე სამედიცინო ვიზუალიზაციის ტექნოლოგიებისთვის. პოლილიზინისა და ფარნესოლის ნანონაწილაკების კალორიმეტრული და სპექტროფოტომეტრული თვისებების დეტალური კვლევა მნიშვნელოვანი ნაბიჯია ბიოპოლიმერებზე დაფუძნებული ნანონაწილაკების და ბიოლოგიურად აქტიური ნაერთების შემდგომი კვლევისათვის. ეს ნანონაწილაკები შესაძლოა გახდეს ფუნდამენტური ელემენტი ახალი თერაპიული და დიაგნოსტიკური მეთოდების შექმნის პროცესში. ნანონაწილაკების უნიკალური თვისებები და მათი ბიოლოგიური აქტივობა იძლევა ფართო შესაძლებლობებს ბიომედიცინის, ფარმაციის, გარემოსდაცვითი მეცნიერების და სხვა დისციპლინების განვითარებისათვის.

მიმაგრებული ფაილები:

ალორიმეტრული და სპექტროფოტომეტრული კვლევები Poly-Lysine ნანონაწილაკების პრეპარატ ფარნესალის თანაობისას [ka]