ალბათობის თეორიის რჩეული საკითხები

ნაშრომში მოყვანილია, როგორც ალბათობის ზოგადი თეორიისთვის ტრადიციული შემთხვევითი სიდიდის მათემატიკური ლოდინის, დისპერსიისა (ვარიაციის) და კოვარიაციის ცნებები, ასევე თანამედროვე ალბათურ-სტატისტიკური კვლევებისთვის ისეთი მნიშვნელოვანი ობიექტები როგორებიცაა პირობითი ალბათობა და პირობითი მათემატიკური ლოდინი ხდომილობისა და შემთხვევითი სიდიდის მიმართ, შემთხვევითი სიდიდის მაწარმოებელი ფუნქცია და ლაპლასის გარდაქმნა. ნაშრომი ფოკუსირებულია მათ ფუნდამენტურ თვისებებსა და გამოყენებაზე ალბათობის თეორიაში.