სითხური ქრომატოგრაფიის ახალი მეთოდის დამუშავება ლუდში იზო-ალფა მჟავების განსასაზღვრად პირდაპირი ინიცირებით

ლუდი მცირედ ალკოჰოლური, ფერმენტირებული გაზირებული სასმელია, რომლის შემადგენლობაში ქერის ალაო, სვია, წყალი, საფუარი შედის. მისი მზადების და ხარშვის ტექნოლოგია საუკუნეებსაც კი ითვლის. ლუდის მიმზიდველი და სასიამოვნო გემო კი შესაძლოა დროთა განმავლობაში შეიცვალოს. ამის ერთ-ერთი მთავარი მიზეზი შესაძლოა დაკავშირებული იყოს იზო-ალფა მჟავების არამდგრადობასთან სინათლის გავლენით ან ოქსიდაციის გზით. სწორედ იზო-ალფამჟავები განაპირობებენ ლუდის სიმწარეს და მის დამახასიათებელ გემოს. ასევე პასუხისმგებლები არიან ქაფის მდგრადობაზე, ლუდის სიმღვრივეზე, მიკრობიოლოგიურ სტაბილურობაზე. იზო-ალფა მჟავები ლუდში გამომუშავდება სვიის დამატების შედეგად. არსებობს რამდენიმე ხერხი, რითიც შესაძლებელია მინიმუმამდე დავიყვანოთ იზო-ალფა მჟავების დეგრადაცია: შესაბამისი შეფუთვით, ან დავამატოთ ფენოლური ნაწარმები ანტიოქსიდანტური მოქმედებით, იზო-ალფა მჟავების ცის-სტერეოიზომერები და ა.შ. ასევე, უნდა აღინიშნოს, რომ იზო-ალფა-მჟავები შესაძლოა დემენციის და ალცჰაიმერის დაავადების პრევენციას უწყობდეს ხელს. კვლევები ჩატარებულია თაგვებზე დადებითი შედეგით. დადგენილია, რომ იზო-ალფა მჟავები ადამიანებზე მოქმედებს როგორც ანტიოქსიდანტი და შეუძლია ჰიპერგლიკემიის გაუმჯობესება. ნაშრომის მიზანს წარმოადგენდა დაგვემუშავებინა ახალი, არსებულთან შედარებით მარტივი მეთოდი სითხური ქრომატოგრაფის გამოყენებით, რომელიც ლაბორატორიებს საშუალებას მისცემს სხვადასხვა წარმოების ლუდში განსაზღვრონ იზო-ალფა მჟავების შემცველობა.

მიმაგრებული ფაილები: