კომპოზიტები ეპოქსიდური ფისისა და რეზინების ნარჩენების ბაზაზე

უკანასკნელ წლებში დიდი ყურადღება ექცევა წარმოებისა და საყოფაცხოვრებო ნარჩენების გამოყენებას პოლიმერული კომპოზიტების მისაღებად. მათი გამოყენება შეიძლება როგორც ცალკე, ისე მოდიფიცირებული სახით. ასევე შესაძლებელია გამოყენებული იქნეს როგორც შემავსებელი. ჩვენი სამუშაოს მიზანს შეადგენდა ეპოქსიდური ფისისა და საყოფაცხოვრებო რეზინის ნარჩენების ბაზაზე კომპოზიციური მასალების მომზადება და მათი თვისებების შესწავლა. აღნიშნული მასალებისათვის გამოცდილი იქნა: წყალშთანთქმა, სიმტკიცე გაღუნვაზე და კუმშვაზე, ადჰეზიაზე.